واضح رہے کہ مہر شوہر پر ایک واجب الادا دین (قرض)  ہوتاہے، جس سے چھٹکارا ادائیگی یا بیوی کی اپنی خوشی سے معافی کے بغیر ممکن نہیں۔ باقی متعلقہ جواب سے پہلے سمجھ لیں کہ مہر کی دو قسمیں ہیں: ایک معجل(فوری ادا کرنا)، دوسرا مؤجل(عند الطلب یا کسی مقررہ میعاد پر ادا کرنا)۔ لہٰذا اگر نکاح کے وقت مہر معجل طے ہوا تھا یا اس کی ادائیگی کی کوئی خاص میعاد مقرر نہیں کی گئی تھی، تو بیوی کو یہ مکمل شرعی حق حاصل ہے کہ وہ مہر وصول ہونے تک شوہر کو اپنے پاس آنے (ساتھ رہنے) سے روک دے۔ اس صورت میں بیوی کا یہ اقدام شرعاً سرکشی  ونافرمانی (نشوز) نہیں کہلائے گا، اور شوہر پر اس کے نان و نفقہ (روٹی، کپڑا، مکان) کی ذمہ داری پھر بھی عائد رہے گی۔

اور اگر مہر کی ادائیگی کے لیے باقاعدہ کوئی وقت یا شرط (مثلاً ایک سال بعد یا طلاق/وفات کے وقت) طے کی گئی تھی، تو مقررہ وقت سے پہلے شوہر پر مطالبہ نہیں کیا جا سکتا۔ لیکن مقررہ وقت آنے پر اس کی ادائیگی لازم ہو جاتی ہے۔

لما في الفتاوى الهندية:

والمهر يتأكد بأحد معان ثلاثة: الدخول، والخلوة الصحيحة، وموت أحد الزوجين سواء كان مسمى أو مهر المثل حتى لا يسقط منه شيء بعد ذلك إلا بالإبراء

(كتاب النكاح، الباب السابع في المهر، الفصل الثاني فيما يتأكد به المهر، 1/ 303 ط:دارالكتب العلمية)

ولما في بدائع الصنائع في ترتيب الشرائع:

للمرأة قبل دخول الزوج بها أن تمنع الزوج عن الدخول حتى يعطيها جميع المهر ثم تسلم نفسها إلى زوجها، وإن كانت قد انتقلت إلى بيت زوجها…تزوجها على صداق عاجل أو كان مسكوتا عن التعجيل والتأجيل؛ لأن حكم المسكوت حكم المعجل

(كتاب النكاح، فصل بيان ما يجب به المهر، 2/ 288 ط:دار الكتاب الإسلامي)

فقط واللہ اعلم

فقط واللہ اعلم